حامل ولكن ج 1 بقلم ندا الشرقاوي

-أنا عاوز ابيع بنتي ،تشتري يا بيه كان عمال يتنقل بين العربيات يقف عند دا شويه ودا شويه ،اللي فاكره مجنون واللي فاكره شارب حاجه ،واقف كانه بيبيع مناديل في إشارة المرور ،لحد ما وصل لعربيه تانية وقال نفس الجملة -تشتري بنتي يابيه فرمل الراجل بعد ما كان ماشي بطيء لحد ما علشان الإشارة وقاله -أنت شارب نوع جديد ولا اي دا حته الشرب الصبح مينفعش سند الراجل على باب العربية ومسح الازاز بايده وقاله -يابيه اشتريها وعلى فكره هيا نضيفه والله وبتغسل وتنشر وتروق وست بيت حلوه اوي ،بس وسخه من جوه بصله الراجل بتعجب من كلامه إزاي عاوز يبيع بينته لحمه وضناه وإزاي يقول عليها لفظ زي دا ،لكن حب انه يتسلى أصل أكيد محدش عبيط كده ،وقف عربيته ونزل من منها وسند ضهرت على العربيه وقاله -خير بقا عاوز تبيع ليه رد عليه الراجل بكل صراحة -هتشتري ؟ بص ليه كاظم وهو مستغربه أصلا ومستغرب نفسه إنه وقف ليه لكن برده كان مصمم انه بيتسلى وخلاص ،فقاله -هشتري ،بكام بقا؟ فرح الراجل والسعاده غمرته من جواه كانه لقى كنز ورد عليه بسرعة -ببلاش ياباشا -لا أنت كده بجد راجل مجنون بقا قرب الراجل ومسك ايده بقوه وقاله بصراحة -ياباشا خدها وجربها كمان زقه كاظم بقوة وهو بيشتمه وقاله -أجرب ايه يا راجل أنت هيا تلاجة -خدها واعتبرها خدامة من غير أجر كمان بدأ كاظم يفكر وحس انها مغامرة بس عبيطه وفي نفس الوقت يتسلى بس هو ملوش في الحكايات دي بس عجبته الفك ورد على الراجل -موافق ،هشوفها امته -أنا هجبهالك لحد البيت اديني العنوان اداله العنوان ومش وهو متاكد إن كل دا أكيد الكاميرا الخفية استحاله يكون دا حقيقي أصلا وركب عربيته تاني علشان يروح البيت . في المساء كان واقف كاظم قدام مكينة القهوه وكان لسه صاحي من النوم وأثر النوم ظاهره عليه رن الجرس في نفس الوقت اللي القهوة خلصت فيه ،صب القهوة وراح يفتح الباب وكان بياخد أول بوق قهوة ،لكن كح بسرعة لما لقى فعلًا الراجل واقف وجمبه بنت باصه في الأرض شعرها مغطي نص وشها ،بالفعل بصله باستغراب لكن قبل ما يتكلم رد الراجل وقال -هي دي، أنا سلمتك يا باشا بس مش عاوز اشوف وشها تاني ،اعتبرها جاريه عندك كانت ملامح الراجل قوة ،مش أب خالص بيفرط في لحمه ،جه كاظم يتكلم لكن الراجل مشي وساب البنت وقافه قدام الباب استغرب كاظم الموقف لكن حب يجرب لانه بيحب المغامرة بس حاجة زي دي كانت أول مره ،كانت واقفة ساكته دموع متحجرة في عنيها مكنش عارف هيا مظلومه ولا ظالمه لكن دخلها. مشيت معاه وهيا ساكته خالص وقعدت من غير ما تتكلم ،دخل المطبخ جاب عصير وخرج قعد بعيد عنها شويه وقال -أنتِ بتتكلمي ولا خرسة كانت ساكته برده بتبص ليه وخلاص ،وهو مستغرب الموقف ،لكن اتكلم بجرأة ولأن الموقف جرئ -أبوكي باعك ليه ،وليه قالي إنك نضيفه في البيت وكل حاجة لكن وسخه من جوه؟؟؟ سكتت برده شوية…وبدأت تبص في الأرض وبعدين رفعت عينيها عليه وقالت بهدوء -هو قالك إني وسخة؟ سكت و مردش عليها فكملت -الوسخ كان عايش معانا… مش جوايا وكملت بسخرية .. أصل أنا حامل .. يتبع… -حااامل بصلها بنظرات غريبه وبعدين ضحك بصوت عالي وقالها -اه علشان كده بيخلص منك صح ولا اي -بالظبط كده -طب ما هو طلع عنده حق إنك وسخه بصتله والدموع متحجرة في عنيها ونغزة في قلبها وقالت -برده أنت كمان قام وقف وحط القهوه على التربيزة وربع ايده قدام صدره وقالها -وحده ابوها واقف قدام الاشاره عارضها للبيع وبلاش كمان والآخر حامل!؟عاوزاني اخدك بالحضن ولا أقول الشريفة اهي يا ولاه ما تعقلي الكلام يا مزه ،ولا لعبتي مع حد وابوكي مش قادر عليكي ! وقف من مكانها وهيا حاسه إن في سكاكين بتقطع في قلبها من كلامه الجارح بس ابوها وباعها الغريب هيكون أمان مشيت ناحيه الباب من غير ما تتكلم ،لكن راح وراها ومسكها من كتفها وقالها -أنتِ فاكرة دخول الحمام زي خروجة ولا ايه ،خليكي ادينا هندلع شويه -ابعد عني وسبني امشي وخلاص بقا كلاب السكك ارحم منك ومنهم رد عليها بسخرية -وفيها اي يعني ما أنتِ كنتي مع كلب منهم -عاجبني فينك إنك بأف -نعم؟أنتِ جايه تتشطري عليا دا يقرب عليها ويشدها من اديها وهو بيقولها -تعالي بس احنا هنتسلى زي اللي اتسلى بيكي بالظبط ردت عليه بكل حرقة دم -هيا جت عليك أنت ،بس انتم كلكم زباله. -أنتِ هتوجعي دماغي ليه وتديني محاضرة في الأخلاق يا ست الناظرة شدها من إيديها بقوة، لكنها سحبت إيدها بسرعة كأنها اتحرقت،بصت له بنظرة مليانة وجع وقالت بصوت مهزوز - سيبني… كفاية اللي حصل لي. ابتسم بسخرية وهو بيقرب خطوة - اللي حصل لك؟! ده أنتِ اللي جبتيه لنفسك. هزّت راسها وهي بتحاول تمنع دموعها تنزل وقالت برفض - يمكن… يمكن غلطت بس غصب والله بس مش معنى كده إن كل واحد يقابلني يدوس عليّ. سكت لحظة… كأن كلامها لمس حاجة جواه، لكنه حاول يداريها وقال ببرود - وأنا مالي بكل ده؟ ردت عليه بسرعة، لأول مرة صوتها بقى أعلى - لأنك إنسان ولا دي بقت حاجة نادرة اليومين دول؟ اتجمد مكانه لحظة إيده لسه على كتفها لكن ضغطه خفّ كملت وهي بتبص في عينه - أبويا باعني واللي ضحك عليا اختفى اللي كل في بيتنا عيش وملح وكل واحد يقابلني شايفني غلطة ماشية على رجلين بس صدقني أنا تعبت صمت تقيل في المكان بص بعيد عنها لحظة، وكأن في صراع جواه، وبعدين قال بنبرة أقل حدة - ولو سيبتك تمشي… هتروحي فين؟ ضحكت ضحكة قصيرة مليانة مرارة - مش فارقة… أي مكان أرحم من هنا، ومن ابويا صدقني الشارع ارحملي مدت إيدها وفتحت الباب ببطء وقبل ما تخرج قال فجأة - استني. وقفت مكانها من غير ما تبص وراها،قال بصوت منخفض - الطفل اللي في بطنك ملوش ذنب في كل اللي حصل. لفت له ببطء، وعينيها مليانة دموع لكن لأول مرة كان في عينه هو كمان حاجة مختلفة مش سخرية،لكن ردت عليه وقالتله -ساعدني انزله … في مكان تاني دخل الاب وهو محني ومكسور وحاسس انه ضهره اتكسر من اللي عمله بس مقدرش،هو دا اللي المفروض يحصل ،لكن قابلته في وشه ست كهينه علامات الخبث والجشع باينه على وشها لابسه عبايه سوده وطرحه نفس اللون -ايه ياخويا غورت السنيورع بتاعتك رد عليها بكل وجع -حرام عليكي بقا أنتِ عاوزه ايه تاني مش كفايه وبعدين سبيني في حالي بقا ردت عليه بسخريه -لا ياخويا اقف معوج واتكلم عدل ،ولو ناسي افكرك وبعدين عاوزين نلبوس الولا بلوه ما تشوفها كانت في اي داهيه -حسبي الله ونعم الوكيل فيكم حسبي الله عودة إلى كاظم وحسنة -عاوزه تنزليه ؟؟ مسحت دموعها اللي نازله على خدها وقالت -ايوه مش عاوزه اجيب طفل للدنيا أصلا الدنيا كرها ،مش عاوزه اجيب ابن.. سكتت لثواني وبعدين كملت …ابن حرام غمض عينه للحظه وحس إنها ممكن تكون مظلومة بس إذا لو مظلومة مكنش ابوها عملت كده . شدها من اديها ورجع بيها تاني للصالون وهى عماله تزق ايدت وتقول -سبني يابني ادم ..أنا عاوزه امشي من هنا. وقف مكانه وبص ليها وزعق -بت بقولك ايه أنا مش فاضي لشغل الدلع دا خلينا نشوف حل للمصيبة دي بصت له بعيون مليانة تحدي وقالت - مصيبة إيه دي حياتي… وأنا حرة فيها ضحك بسخرية وهو ماسك أعصابه - حرة لما تبقي واقفة لوحدك في الدنيا ابقي قولي حرة لفت وشها بعيد عنه وقالت بوجع - ما أنا فعلاً لوحدي سكت لحظة وكأن الكلمة خبطت فيه بص لبطنها وبعدين رجع بعينه لها. قال بهدوء غريب لأول مرة - واللي جواكي دا هتعملي فيه إيه؟ ردت بسرعة - قلتلك… هينزل قرب خطوة، وصوته بقى أوطى بس أشد - لا… مش هينزل رفعت عينيها له بدهشة - نعم؟! كاظم مسح بإيده على وشه وكأنه أخد قرار صعب وبعدين قال الكلمة اللي قلبت كل حاجة -الطفل دا هيكون ابني أنا …. يتبع…… -الطفل دا هيكون ابني أنا …. بصت ليه بصدمة ،وهيا مش مستوعبة إزاي عاوز طفل من الحرام يكون ابنه ؟؟لكن هزت راسها بالرفض -لا طبعًا وأنت تشيل شيله غير شيلتك ليه ،أنا رافضة القصه دي وبعدين بصتله برجاء وقالت -سيبني امشي ارجوك أنا مش عاوزه ادخلك معايا في مشاكل ،مصيبتي وشيلتي وأنا اللي هشيلها ضحك بسخرية خفيفة وقال -بت أنتِ فاكره انهم اتنين كيلو طماطم هتشليهم سكتت حسنة، وربعت إيديها قدامها ولفت وشها للناحية التانية من غير ما ترد. وقف كاظم ومشى ناحية المطبخ، وقال وهو مديها ضهره -ادخلي نامي والصباح رباح وهتتحل من فوق جت تتكلم تاني لكن لف ليها وقال بملل -مبتزهقيش من الكلام قومي ،الاوضة اللي على ايدك اليمين وهتلاقي هدومي البس اي حاجه مناسبه ،يلا . في مكان آخر ..بيقولوا عليه غُرزة كان المكان مليان دخان وسواد ،قاعدين مجموعة من الشباب الفاسده والضياع ،ريحة المواد المُخدرة مسيطرة على المكان ،جميع أنواع الخمور . مد أحدهم ايده وقال -ما تخلص ياض ،هات نفس . رد عليه التاني وهو بيضحك ومش حاسس بالدنيا -خد ياعم ما أنت من حقك ،مش عملت اللي أنت عاوزه وكسرتها سحب نفس عميق من السجا*ره وقال بتفاخر -لا ومش اي حق ،دا حق معلم ابن معلمين ،علشان تعرف إني يتبصلي مش تكرفلي . رد أشرف وكان اسمه خسارة فيه -طب هتعمل ايه ،دا طلعت حامل يا معلم هتلبس عيل ومن الحرام ؟ ضحك حاتم وهو بيرجع راسه لورا وقاله -قايل يعني أنا اللي ابن حلال أوي ،مطيرش الدماغ اللي عاملها ياعم . -على رايك . تاني يوم خرجت حسنة وهيا سامعة صوت كركبة جاية من المطبخ ،كانت لابسه تيشرت بكم قماش وبنطلون من هدوم كاظم لقيته واقف قدام الرخامة ف المطبخ بيحاول يقطع بطاطس وكل شويه يرفع قطعتين بطاطس قدام عينه ويشوف المقاس بينهم عامل إزاي . ابتسمت نص ابتسامه وقالت -أنا ممكن اساعدك يا استاذ … سكتت لأنها لحد دلوقتي متعرفش اسمه ،فضل باصص للبطاطس وقالها -كاظم ،اسمي كاظم ،يعني قاعده في بيتي من امبارح وماتعرفيش اسمي قالت بإحراج خفيف -مجتش فرصه ،ممكن اساعدك !؟ لف ليها وفتح ايده كانه بيقولها اتفضلي رجعت شعرها لورا ودنها واتقدمت دخلت المطبخ وبدات تقطع البطاطس بالتساوي وبسرعة وبعدين فتحت عليها مايه وحطت ملح وخل . اتكلم كاظم وهو واقف يراقبها وقالها -اي رايك ندردش وأنتِ بتعملي فطار ،فكره حلوه سكت لحظة وكمل بجديه -على فكره أوعى تفتكري إني راجل حقير معنديش نخوة والشغل دا ،لا عندي بس حابب أشوف الموضوع من منظور تأنّي الصراحه،بصي مش هكذب عليكِ وأقولك غلطانة والكلام دا زي ما المعظم بيجيب الغلط على البنت وخلاص ،لأن كلنا هنقف نتحاسب بس ممكن يكون عليكِ ذنب برده ضحكت ضحكة عاليه وبسخرية وقالت -ذنب ايه يا أستاذ ؟؟احنا عايشين مع ذئاب بشرية وكلمة ذئاب خسارة كمان ،أنت مشوفتش الخمسه اللي اعتدو على كلبة ؟؟؟ بص ليها بصدمة وقالها -أنتِ بتقولي ايه ؟ -بقول اللي أنت سامعه يا كابتن ،شكلك كنت بره مصر -اه من زمان فتحت التلاجة وطلعت منها بيض وهى مستمره في الكلام -عارف الفرق بينا ايه هما كفره عارفين دي بس محدش بياخد حاجه من وحده غصب ولو حصل بيكون قليل ،تعال اسمع هنا بقا اللي اعتدى على طفله واللي اعتدى على كلبة وكده ماشي مع كله وصت ليه مباشرة وكملت -بس الحق مع الراجل والباطل مع الست وهيا دايره كده بقا . رفع حاجبه ليها باستغراب وقالها -ولو أنتِ مظلومة،ابوكي هيقول عليكِ كده ليه ردت بهدوء مؤلم -علشان هو صدق اللي اتقال عليا ، مكنش عنده ثقة ف تربيته بس عادي بقا . سألها سؤال صريح لما حس فعلًا إنها مظلومة -مين عمل فيكِ كده؟ -مش فارقه ..بس هقولك رفعت عينيها ناحيته وقالت -المفروض كان اخويا….. يتبع……… -نعم ياختي،حاااامل من اخوكي بصلها كاظم وكأن الكلام اللي سمعه نزل على دماغه زي الصاعقة عقد حواجبه وقال ببطء وكأنه مش مستوعب -إزااي أخوكي نزلت حسنة عينيها للأرض، وإيديها بدأت ترتعش وهي بتسيب السكينه على الرخامة وقالت بصوت مكسور -اللي سمعته ..اخويا قرب كاظم خطوتين وبقى قدامها مباشرة، وقال بحدة وهو بيحاول يفهم -يعني إيه أخوكي يعمل فيكي كده؟! أنتِ بتقولي إيه؟ ابتسمت حسنة ابتسامة باهتة كلها وجع، وقالت -مش أخويا من دمي… ابن مرات أبويا اتجمد كاظم مكانه لحظة، لكنه فضل باصص لها باهتمام كملت حسنة وهي بتعصر صوابعها في بعض -بس اتربينا في بيت واحد وكبرنا مع بعض يعني بالنسبالي كان أخويا،بس بدأ مؤخرًا يتحرضلي،بس كُنت بطنش وقف كاظم وبدأ يفرك جبينه بقوة من التوتر ،كان فاكر انها سلمت نفسها لحد برضاها ميعرفش إنه إعتداء بالغصب ،لكن إزااي !!!! قعد قدامها على التربيزه ومد ايده أخد علبة السجاير ولع سجارة وبدأ ينفخ الدخان بقوة ومش عارف هو ليه متنرفز كده . -كملي حصل اي …كملي يا حسنة اتنهدت ببطء، وبصت له نظرة فيها تعب -كان بيحاول يلمسني بس من غير ما يبين ،أخر فتره بقا يحضني بس كنت بخاف من حضنه،بحس أنه مش حضن أخ لأخته ،حته البوسة اللي على جبيني كانت رخمة ،بس كنت بكذب نفسي لحد ما "فلاش باك" كان البيت ساكت في آخر الليل،المطبخ مضلم إلا من نور خفيف جاي من الصالة حاتم كان واقف عند الباب، بيتكلم بصوت واطي في التليفون -ماتقلقش ،محدش هياخد باله أصلا ،المنوم دا الدكتور قالي انه قوي أوي . جاله رد من حد تاني وقال -عادي بقا بس لو كانت فايقه كان هيكون أجمد -أصبر عليا بس وأنا اذلها وأخليها زي العقلة ف صباعي ،أنا ميتقاليش لا يا أشرف . قفل التليفون وبص حواليه، كأنه بيتأكد إن محدش سامعه البيت كله كان غرقان في الهدوء وفعلًا قفل ودخل كانت حسنة نايمة على سريرها ،وبدأ يجردها من ملابسها…… فتحت حسنة عينيها ببطء. النور اللي داخل من الشباك ضرب عينيها فغمضتها تاني وهي حاسة بتقل غريب في جسمها،قعدت على السرير وهي ماسكة راسها -غريبة جسمي مكسر ليه بصت حواليها في الأوضة. كل حاجة كانت في مكانها تقريبًا، لكن إحساس عدم الارتياح ما كانش راضي يسيبها. قامت ببطء، حاسة بدوخة خفيفة، وقالت لنفسها يمكن الإرهاق أو قلة النوم نزلت المطبخ، لقت حاتم قاعد على الكرسي بيشرب قهوته وكأنه يوم عادي جدًا بصلها وقال بابتسامة خفيفة -صباح الخير يا حسنة ردت الصباح وهيا حاسة إنها تعبانة جدًا ظنت أن هذا تعب كُل شهر ،وبدأت في تحضير الفطار. "عودة للحاضر" كانت بتحكي وهيا بترتعش وبدأ جسمها يتنفض ،قرب كاظم وبدا يطبطب على ضهرها براحه ويقولها -أهدي ..طب براحة أنتِ في أمان ..أهدي…هو اللي حكالك الكلام دا بدأت تاخد نفسها بصعوبة وقالت ودموعها نازلة على خدها -اه قالي بعد ما … سكتت تاني لحد هو بدأ يطمنها تاني وقال -كملي وأنا هجبلك حقك،واللي بيعز ويذل هخدلك حقك أنتِ ضحية مسحت دموعها باديها وبدأت تكمل -ايوه قالي بعد ما فوقت في مره تانية وقف من جبها وبعد بصدمة وهو بيقولي -فوقتي؟؟ فوقتي إزاي؟ كملت بسخرية تقريبًا حد ضحك عليه في المنوم وياريت كنت موت قبل ما أفوق بلع ريقة بصعوبة وهو حاسس إن جسمه عليه جمر من النار من تخيل المشهد اللي حس بيه بكُل قذارة وقفت من مكانها وقالت -أنا عاوزه امشي لو سمحت ،سبني امشي -لا مش هتمشي ،أنتِ هتفضلي هنا لحد ما تاخدي حقك ،هنا أمان ليكِ -أنا مش عاوزه اسببلك مشاكل أنا لازم امشي . رفع ايده حطها على شعره وهو بيفكر هيعمل ايه لكن قالها -طب سيبيني يومين وأنا بعدهم هقولك امشي ردت بكلمة وحده من غير جدال -ماشي . في بيت حسنة كان الاب ويدعى سعيد ،قاعد على الكنبة حاطط ايده على خده ،عينيه سرحانة في الأرض كأنه شايل فوق كتفه هم تقيل،البيت كان هادي بشكل غريب، الهدوء اللي بييجي بعد عاصفة كبيرة. اتفتح باب الصالة، ودخلت مراته بخطوات سريعة بصت له لحظة، وبعدين قعدت قدامه وهي بتزفر بضيق. قالت بنبرة فيها حدة -مالك قاعد كده ليه؟ ما خلاص اهي غارت في داهية هي والمصيبة السودة اللي عملتها. سعيد رفع عينه لها ببطء، ملامحه كانت متعبة. -ما تقوليش كده دي برضه بنتي اتربت على ايدي انا حاسس إن في حاجة غلط هزت راسها بسخرية وقالت -بنت إيه بس يا سعيد بنت كانت هتفضحنا قدام الناس كلها الحمد لله إنها مشيت قبل ما الحكاية تكبر. قبض سعيد إيده وهو حاسس إن الكلام تقيل على قلبه -مهما كان… اللي حصل كبير. قربت منه أكتر وقالت بصوت واطي لكنه مليان ضيق -الكبير بجد كان هيبقى لما الناس تعرف إن في بنت في البيت ده حامل كنت عايزنا نرفع راسنا إزاي قدام الخلق؟ سكت سعيد، وكأنه مش لاقي رد. بعد ساعة جه حاتم من بره ودخل على امه المطبخ وقالها -هو جوزك ودا حسنة فين ياما اتكلمت وهيا بتقطع الطماطم -وأنت مالك يا شملول مش خدت اللي أنت عاوزه وخلاص . ضحك بصوت عالِ وسخرية -ليه محسساني إنك سيتي الشيخه،عاوزين نطلع بحاجة حلوه لعمت عنيها من الطمع وقالت -ازاي يلا رد عليها بكل بجاحه -نلبسها قضية زنا … يتبع…….. نلبسها قضية زنا … بصت ليه بإستغراب من الموقف ،وايه اللي هيستفاده أصلًا ،لكن حبت تفهم وتمتمت -إزاي؟ وليه أصلًا ايه الاستفاده ؟ -هقولك بس اعملي كوبايه شاي بصت ليه بغضب ،لكن مسكت البراد وحطت المايه وحطته على النار ،دقايق وحطت الشاي ،وبعدين صبته وحطت السكر ومدت الكوبايه وقالت -خد أطفح واخلص ،هات اللي في بطنك.. أخد منها الكوباية وهو بيضحك بسخريه ورد -سبحان الله مش هستغرب من وسا*ختي عرفت طالع لمين مسكت هدومه من عند صدره وهزّته بعصبية، عينيها بتلمع بغضب وقالت بصوت واطي لكنه مليان غضب -اخلص يا يلا أنت هتدّيني درس أخلاق دلوقتي؟ قول اللي عندك بعد إيديها عنه بهدوء، وعدّل هدومه وهو لسه ماسك كوباية الشاي أخد رشفة صغيرة وبص لها نظرة طويلة قبل ما يتكلم -أنا مش جاي أديكي درس… أنا جاي أقولك على لعبة نطلع منها بحاجة حلوة بصت ليه باهتمام وهو كمل كلامه وقال -بصي أنا سمعت امبارح وجوزك بيقولك وداها فين ،وعرفت انه قاعد في شقه عليوي اوي خدت كوباية الشاي من ايده وخدت منها رشفه وقالت -قول قول شكل الكلام حلو ضحك بصوت عالي وكمل -وحده قاعده عند واحد غريب لو اتنين ستات راحوا فضحوهم وعملوا شوشره وعلشان نسكتهم نطلب مبلغ حلو والا نبلغ بقا واللي ما يشتري يتفرج لمعت عنيها من الطمع وقالت -شاطر يلا ابن بطني بصحيح -بطن وس*خه في مكان تاني بعد ما عدا كام ساعة، باب الشقة اتفتح بهدوء، ودخل كاظم وهو شايل كذا كيس في إيده كان واضح إنه راجع من مشوار طويل شعره متلخبط شوية ووشه عليه تعب خفيف، لكنه أول ما دخل قفل الباب برجله ونده بصوت هادي -حسنة… أنتِ فين؟ كانت قاعدة في الصالة على طرف الكنبة، لابسة نفس الهدوم من امبارح وإيديها متشابكة في بعض أول ما سمعته رفعت عينيها له بتردد،وقف كاظم لحظة لما شافها، وبعدين قال بنبرة أخف -قعدة كده ليه؟ ما قولتلك اعتبري المكان مكانك. مردتش، بس بصت للأكياس اللي في إيده باستغراب قرب منها وحط الأكياس على الترابيزة قدامها وقال -كنت نازل أجيب شوية طلبات والراجل اللي تحت قالي إن المحل بتاع الهدوم فاتح فقلت أعدي عليه مد إيده في كيس كبير وطلع منه طقم هدوم بسيط بنطلون قطن وبلوزة واسعة بلون هادي حطه قدامها وقال وهو بيحك رقبته بإحراج خفيف -بصراحة مش عارف مقاسك بالظبط، فاختارت حاجة شكلها مريح لو ما عجبكيش نغيره عادي حسنة بصت للهدوم وكأنها مش مصدقة إن حد جابلها حاجة مخصوص لمست القماش بإيدها بحذر -ليه تعبت نفسك؟ رد بسرعة وكأنه مش حابب يكبر الموضوع -تعب إيه بس يعني هتفضلي بنفس الهدوم؟ وبعدين فتح كيس تاني وطلع منه علب أكل -جبت أكل كمان… قولت يمكن معجبكيش اكل الصبح انتشر ريحة الأكل في الصالة، وكانت أول مرة حسنة تحس إنها فعلًا جعانة من وقت طويل قعد كاظم على الكرسي المقابل ليها وهو بيطلع العلب ويحطها على الترابيزة. -يلا كلي… بقالك يومين تقريبًا ما دخلش بطنك حاجة عدلة فضلت باصة للأكل شوية، وبعدين قالت بصوت واطي -أنت بتعمل كل ده ليه؟ رفع عينه لها لحظة، وكانت نظرته هادية بس فيها جدية — عشان محدش يستاهل اللي حصل له وعشان إنتِ دلوقتي تحت سقفي، يعني مسؤولة مني سكتت حسنة وحست إن صدرها بيضيق، لكن المرة دي مش من الخوف من إحساس غريب بالأمان. مد كاظم إيده بالعلبة ناحيتها وقال بابتسامة خفيفة -يلا قبل ما الأكل يبرد وبعد ما تخلصي كلي براحتك وغيري هدومك، لو احتجتي حاجة قولي أخدت العلبة منه ببطء، وهمست -شكرًا هز كتفه ببساطة وقال -ولا حاجة بسيطة يا حُسنه ولأول مرة من وقت طويل، حسنة بدأت تاكل وكأن جزء صغير من التعب اللي جواها بدأ يهدى شوية وكان كاظم قاعد قصادها ساكت لكنه كل شوية يطمن بنظرة سريعة إنها فعلًا بتاكل،هدوء بسيط ملأ المكان مختلف عن اللي كانت متعودة عليه. بعد مرور ساعة كان واقف في البلكونة بعد ما طلب منها قهوه ،كان بينفخ دخان سجارته في الهوا وهو حاسس إحساس غريب لكن بيرفضه . جت حُسنه وفي اديها اتنين قهوه ادته واحد وقالها -شكرًا بس التانيه لمين؟؟ ردت وهيا بترفع كتفها بكل هدوء -ليا -مينفعش غلط على البيبي! ردت بسخرية -أنت شاغل بالك أكتر مني ليه -علشان ارجعلك حقك - ودا إزاي ؟؟؟ رد عليها بعد ما ارتشف من القهوه وبص للسماء -هعرضك على الطبيب الشرعي -اييه!!!! يتبع…….

مقالات ذات صلة

اماني سيد ج الأخير

رضاعة ابني حكايات زهرة الربيع ج 1

مظاهر الخداعة ج 1 اماني سيد

دور كورونا ج 1 حكـايات امـاني سيـد

حكايات روماني مكرم ج 3

حصاد الايام حكايات مني السيد ج 1

اترك تعليقاً إلغاء الرد